ލ.ގަމުން ޕީއެންސީ އަށް 600 މީހުން

ރައީސް މުއިއްޒަށް އިންތިޚާބު ކާމިޔާބުވުމަށްފަހު ގިނަ އަދަދެއްގެ ޢާންމު ރައްޔިތުން ދަނީ ޕީއެންސީއާއި ގުޅެމުންނެވެ. އެގޮތުން މިމަހު 19 ވަނަ ދުވަހު ލ.ފޮނަދޫ ކައުންސިލްގެ ހުރިހައި މެންބަރުން ހިމެނޭހެން ގިނަ އަދަދެއްގެ ބޭފުޅުން ވެރިކަން ކުރާ ޕީއެންސީއާ ގުޅިވަޑައިގެންފައެވެ. ފޮނަދޫ ކައުންސިލުގެ ހުރިހާ މެންބަރުންނާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ހުރިހާ މެންބަރުން އަދި ޕީ.ޕީ.އެމް/ޕީ.އެން.ސީގެ ސްޓިއަރިންގ ކޮމިޓީގެ ހުރިހައި މެންބަރުން ޕީ.އެން.ސީއަށް ސޮއި ކުރައްވައިފިއެވެ.

ގަމުން ޕީއެންސީ އާއި ގުޅުނު މީހުންގެ ފޯމުތަކާއި ހަވާލުވީ ޕީއެންސީގެ ޗެއާޕާސަން އަދި ރައީސް އޮފީހުގެ ސީނިއަރ މިނިސްޓަރ އަބްދުއްރަހީމެވެ. ވެރިކަން ކުރާ ޕީއެންސީއަށް ވަކި އޮފީހެއް ގާއިމުކޮށް ޕާޓީ ދަފުތަރަށް 10،000 މެންބަރުން ހަމަ ކުރުމުގެ މަސައްކަތް އެޕާޓީން ވަނީ ފަށައިފައެވެ.

މި ބޭފުޅުންގެ ފޯމްތަކާ ޙަވާލުވެ ވަޑައިގަތީ ޕީއެންސީގެ ރައީސް، އަދި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއެވެ. ޕީއެންސީއާ ގުޅި ވަޑައިގެންނެވި ބޭފުޅުންގެ ތެރޭގައި ލ.އަތޮޅު ކައުންސިލްގެ ނައިބު ރައީސް އަދި ފޮނަދޫ ކައުންސިލްގެ ރައީސް އަޙްމަދު ރިޔާޟް ވެސް ހިމެނި ވަޑައިގަންނަވައެވެ.

ޕީއެންސީ އަށް މެންބަރުން އިތުރުކުރުމުގެ މަސައްކަތް ޕާޓީން ފަށާފައިވާއިރު، އެމަސައްކަތް ވަރަށް ބާރު ސްޕީޑެއްގައި ކުރިޔަށްދާ ކަމަށް ޕީއެންސީން ވަނީ މީގެކުރިން ބުނެފައެވެ. އެގޮތުން އެމްޑީޕީއަށް ނިސްބަތްވި އިސް ބޭފުޅުންނާއި ކުރީ ސަރުކާރުގެ އިސް މަޤާމުގައި ތިއްބެވި ބައެއް ބޭފުޅުންވެސް ވަނި ޕީއެންސީއާ ގުޅިވަޑައިގެންފައެވެ